الرئيسيةجهاتحوادثمجتمع

أسرة تناشد أجهزة الدولة بالبحث عن ولدها.

أسرة تناشد أجهزة الدولة بالبحث عن ولدها.

بسم الله الرحمن الرحيم
السيد المحترم والي ولاية أمن طنجة
السيد المحترم المدير الجهوي لإدارة الديستي بجهة طنجة
السيد المحترم القائد الجهوي للدرك الملكي بجهة طنجة

حنا عائلة جمعون تغيب علينا للأسف لولد ديالنا البار “عبد الرحيم جمعون”، وهو شاب متزوج وأب لبنات وكيحمل البطاقة الوطنية رقم L459360 وكيخدم نجار فمركز دار الشاوي من الظهر دنهار الأحد (21 مارس)، أو وخا ماخلينا فاين قلبنا عليه ماظهرلو حتى شي أثر، علما بأنه ما عمرو كيغيب وماعندو حتى شي مشاكل ومرتبط بزاف بالأسرة ديالو، لذا رجاؤنا في الله ثم فيكم وفي مصالحكم وفي عموم المواطنين باش تساعدونا نلقاو عبد الرحيم اللي بناتو ومراتو وخوتو ويماه وحنا كاملين محموقين عليه وخاصة يماه اللي هي مرا كبيرة والله يكون معاها مسكينة.. عافاكم عتابروه ولدكم ولا خاكم وحاولو معانا نجبروه باش مايتعاودشي السيناريو الخايب ديال الطفل عدنان!

وبالمناسبة إيلا كانت شي عصابة ولا شي مدمنين ختاطفوه بداعي السرقة ولا شيحاجة حيت هو كان ماشي يجيب شي صباغة باش يكمل شي خدمة يتواصلو مع العائلة وحنا مستعدين نبيعو حوايجنا ونعطيوهوملوم لمهم يعطيونا خبار عليه ومايآديوشي، هو بوبري عاش يتيم وكافح باش يتعلم النجارة ومايمودشي يدو للحاجة دالناس ومشا تزوج وعمل بنيوتات واستقر فالبادية بعيد على الصداعات وعايش باش ماكتب الله فماكاين علاش يتعداو عليه وكنتمناو مايكونشي الوقت فات.

اللي شافو من فضلكم ولا عندو غي شي راس الخيط يتّصل بالرقم الآتي: 0602848662 والله يجازيكم بالخير والله لا يوريكم باس فشي واحد حبيب عليكم 💔

مقالات ذات صلة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Back to top button